Подигната WC школка, чорапи и гаќи кои никако да паднат во корпата за алишта туку покрај неа и непрекинато јавување на својата мила мајка се само дел од некои машки навики кои ги излудуваат жените. Но, дали тие се само тоа или во обѕир треба да се земе навестување на нешто полошо?

Мажот кој пред донесување на одлука се советува со мајка му се уште не е спремен да порасне, а ако жената планира сериозни чекори за заеднички живот би можело да се случи мажот да не биде таму кога ќе и е потребен на жената.

Припадниците на посилниот пол кои оставаат валкани садови во умивалникот се безобѕирни и не мислат на жената и нејзините потреби. Не се чисти, ниту организирани, а тоа може да претставува проблем во врската. За жената, не за мажот.

Подигнатата даска во купатилото веќе не ги изненадува жените, но доколку мажот тоа упорно го прави тој едноставно повеќе сака да биде во право отколку среќен, а поради тоа ќе ги трпи и секојдневните приговарања од страна на жената.

Мажот кој на жената ќе и ја отвори вратата од автомобилот или од станот е вистинска реткост, но доколку тоа не го прави значи дека тој маж едноставно не е романтичен. исто така, тоа може да се објасни и со фактот дека не е внимателен.

Чепањето на носот е навистина лоша навика, а може да укажува на фактот дека на мажот не му е гајле за неговата хигиена. Тоа што е уште полошо, тој воопшто не размислува како неговото влијание влијае врз жената.

Грицкање на ноктите е навика која открива несигурност, нервоза и стрес. Мажите кои се склони на таа навика имаат проблем со себе и со своите чувства и тешко можат да се справат со стресот.

Мажите кои грицкаат лед не се реткост, а во таа навика уживаат додека пијат безалкохолни пијалоци. Со тоа сакаат да порачат дека се силни алфа-мажи.

Сркањето и млацкањето се навики со кои мажот потсвесно сака да ја натера жената да го забележи и да обрне внимание на него.