Свеќите иако не се некој посебен изум, сепак се дел од нашиот живот. Во минатото служеле за пишување писма во ситните часови, денескa ги дуваме на прославувањето на родендените, ги палиме за романтична вечера или пак во црквите и манастирите за добро здрајве и среќа. Но, што всушност претставуваат и симболизираат различните бои на свеќи?

Бела
Белата свеќа симболизира чистота, духовност, вистина и духовна сила. Се пали за емоционално и духовно подигнување на човекот и прочистување на неговиот дух од невистини.

Цвена
Црвената свеќа симболизира здравје, сексуална моќ, љубов, привлечност и храброст. Најпогодна е за палење во спалната соба, која покрај романтиката што ја шири, ја зголемува сексуалната моќ и потенција на партнерите.

Розева
Розевата свеќа симболизира успех, почит, полодност и романтичност. Ако сакате да бидете „успешни“ во креветот, би било добро да ја употребите, покрај црвената, се разбира.

Жолта
Жолтата свеќа симболизира интелект, имагинација, сила на умот и одбивање на зло. Токму затоа свеќите што ги палиме во црквите и манастирите се токму со жолта боја, а исто така многу големи дела создадени во минатот се пишувани токму под светлината на свеќи со жолта боја.

Зелена
Зелената свеќа симболизира дарежливост, добра среќа, полодност, пари и финансиски успех. Ако сакате да бидете успешни на деловно поле, нема да е лошо да палите ваква свеќа, барем вреди да се обидете.

Сина
Сината свеќа симболизира инспирација, мудрост, духовна моќ, заштита, трпение и спокојство. Ако сакате да се релаксирате во убава бања, бидете сигурни да си запалите сини свеќи околу вас, по можност миризливи.

Виолетова
Виолетовата свеќа симболизира идеализам, самопочитување, амбиции и напредок во работа поврзана со финансии. Одлична за во комбинација со зелена свеќа и прекрасен подарок за некој бизнисмен.

Сребрена
Сребрената свеќа симболизира одбивање на негативните сили. Ако се почувствувате нерасположено или потиштено, запалете сребрена свеќа и гледајте како вашата разочараност „испарува“ под пламенот на свеќата.

Златна
Златната свеќа симболизира привлекување на највисоките позитивни сили. Ако сакате секогаш да блескате и да бидете безгрижни, оваа е вистинската свеќа што треба да ја палите.