Американската пошта издаде цела серија со поштенски марки во чест на еден од симболите на САД, Кипот на слободата. Проблемот е во тоа што дури отпосле сфатиле дека на марката не е познатиот њујоршки споменик, туку репликата од Лас Вегас...
Портпаролот на поштата рекол дека се штампани 3 милијарди марки од 44 центи, но дека тие сепак нема да бидат повлечени од пазарот.
Во продажба се пуштени во ноември 2010 година, а во подготовка е посебно издание во облик на книга.
„Вистинскиот Кип на слободата се наоѓа на повеќе од 20 претходни изданија“, рече портпаролот на поштата.
Грешката први ја забележале новинарите на неделникот за филателисти Linn's Stamp News.
