На интернет се појави нова, јасна снимка од јато НЛО, овој пат над војната база Макуа на Хаваите...

Споменатата база се наоѓа покрај Хонолулу, а автентичноста на снимката не е потврдена, но сепак се подигна бурна дебата на различни светски форуми. Allnewsweb пренесува дека бројни уфолози и луѓе кои ја виделе снимката, истата ја споредуваат со онаа неодамна од Јапонија, каде исто така е снимено јато НЛО, за време и по земјотресот и цунамито.

Многу сведочења и снимки на НЛО се снимени токму над слични воени објекти ширум светот и документирани се од страна на уфолозите, како Роберт Хејстингс, кој многу опширно пишувал и предавал на таа тема, посебно за НЛО над местата каде што се држи нуклеарно оружје.

Во светот за слични инциденти зборувале и излегле со информации во јавноста голем број на луѓе, кои во текот на своите воени служби и самите биле сведоци на необични небесни појави, за кои веруваат дека се од вонземјанско потекло. Дали се работи за вонземјански посетители и на оваа снимка, пресудете сами.