Обвинете ги родителите. Американските научници тврдат дека зависноста од кофеинот е генетски одредена, пишува Ројтерс...

Барајќи причина за зависноста од кофеин, научниците истражувале генетски варијации кај повеќе од 40 илјади поединци и при таа прилика пронашле две групи на ДНК поврзани со конзумацијата на чај, кафе, чоколадо, газирани пијалоци и останати извори на кофеин.

Овие две низи содржат два гена кои се поврзуваат со начинот на кој телото го користи кофеинот.

Научниците исто така откриле дека луѓето кои го ја носат таканаречената варијација на "висока потрошувачка" на било кој од тие два гена, пијат повеќе кафе од оние кои имаат варијанта на "ниска потрошувачка", односно првите во просек конзумираат 40 милиграма кофеин на ден повеќе од другите.

Авторот на студијата д-р Нил Капорасо сугерира дека кофеинот е најпопуларен стимуланс на светот, бидејќи 90% од популацијата го користи во овој или оној облик.