Венчавката за која најмногу се зборува е онаа кралската, на принцот Вилијам и неговата вереница Кејт Мидлетон. Покрај разните сувенири, парот доби и свои поштенски марки и тоа посебно издание во Велика Британија на која и се придружи и Нов Зеланд, но тамошните марки одлучиле да ги разделат принцот и неговата вереница...

На поштенските марки кои се издадени во Велика Британија, и тоа во две изданија во вредност од 1 и 1,10 британски фунти, идниот кралски пар е прегрнат и среќен. Истата работа е и со марките издадени во Нов Зеланд, но по средината на нивната фотографија стои испрекината линија, а ако сакате да пратите писмо или разгледница ќе морате да ги разделите.

Освен што е потребно да се раздели кралскиот пар, делот од марката на која е принцот Вилијам вреди 75 центи повеќе од оној дел на кој е идната принцеза, Кејт.

Парот ќе се венча на 29 април во Вестминистерската опатија во Лондон.