Марија Хосе Кристерна, 35 години, попозната како жена-вампир го подигна терминот "body art" на едно сосема поинакво ниво. Ова што го постигнала со интервенција во својот изглед ги шокира сите кои ќе ја погледнат...

Мексиканската тату-артистка и школуван адвокат го покажа својот застрашувачки изглед на тату-изложба која се случи пред неколку дена во еден мексикански град.

Тврди дека за тетовирање се одлучила откако била составно злоставувана во својот дом.

„Тетовирањето за мене беше слобода. Моето семејство е изразено католичко. Одев во католичко училиште, се заљубив и венчав на 17 години, градев кариера. Сакав работите да ги правам на правилниот начин“, вели Марија.

Но, како што вели, постојаното физичко насилство дома ја донело до тоа да се одлучи да се тетовира. И тоа не само малку, туку речиси 100% од своето тело.

Освен тетоважите, Марија има и бројни пирсизни по лицето, но и нешто ново: вградени рогови на главата како и вградени вампирски заби.

Марија, која е мајка на четиригодишно дете, тврди дека живее нормален живот.

„Роговите кои ги вградив се симбол на силата, а вградени се без анастезија. Вампирските заби ги вградив затоа што отсекогаш ги сакав приказните за вампири. И бојата на очи ја сменив во таква каква што отсекогаш посакував“, рече Марија.

Додаде дека ова не е нејзиниот конечен изглед, затоа што уште планира да вгради рогови на задната страна од главата.

„Тетовирањето е мојот начин како да се биде бесмртен, како да се биде вампир и засекогаш да се живее“, изјави Марија.