Фирма за софтвер од Амершам во Обединетото Кралство објави необичен оглас. Бараат жени и девојки кои практикуваат нудизам, кои во нивната фирма би работеле како програмерки...

Огласот на Craig листата го објавила фирмата Nude House (Гола куќа), а нудат годишна плата од 24.000 фунти.

„Ми требаат неколку женски порграмери кои практикуваат нудизам и кои би работеле со други вработени во одделот за продавање и програмирање“, стои во огласот, кој го пренесува The Register.

Крис Тејлор од наведената фирма тврди дека ова не само што е првиот таков оглас во Обединетото Кралство, туку и во светот.

„Новите работници ќе мораат да работат голи од времето на доаѓање на работа, се до времето кога ќе требаат да заминат од работа“, пишува на веб страницата на Nude House. На истата страница пишува дека за работата можат да се пријават и мажи, но потенцирано е дека сите ќе работат голи.

Nude House ќе се грижи за секојдневната хигиена во канцеларијата и местото каде што ќе седат голите работници, а секојдневно ќе се менуваат и подлогите на кои седат и работат.