Козметичката индустрија редовно лансира нови производи кои ја негуваат женската коса, ги измазнуваат брчките, ги затвараат порите и ги прават женските нозе понежни. Сепак, кожата на еден дел од телото останува запоставена, затоа што се води грижа истата само да не замириса. Станува збор за пазувите...

До сега најомразен дел од женското тело беа опуштените трицепси или популарно наречени „клапнати мускули“.

Но, неодамна спроведеното истражување за несаканиот дел од женското тело ги приклучи и занемарените пазуви. Жените пазувите редовно ги бричат, ги мијат и внимаваат на нив за да не замирисат непријатно, прскајќи ги и мачкајќи ги со дездоранси со најширок спектар на мириси, од лотосов цвет се до „дива Африка“.

Дури 93% од жените во истражувањето ги издвоиле пазувите како дел од телото кој го сметаат за најмалку привлечен.

Ако може да се суди од најавите на козметичкиот бренд кој ја спроведе оваа анкета, на пазарот наскоро би требало да излезе нов дезодоранс кој само за пет дена значително ќе го подобри изгледот на кожата на овој неатрактивен дел од телото.