Откако пред пет години целосно ослепел поради генетска очна болест, 72 годишниот Елијас Константополос намногу страдал затоа што не можел да го види својот 18 месечен внук, Ентони...

Елијас во САД од Грција дошол уште како млад, а прв пат забележал дека послабо гледа на 43 години. Веќе 10 години подоцна речиси ништо не гледал, а пред пет години генетската очна болес, ретинитис пигментос, во потполност го ослепила.

„Кога го губите видот, губите речиси се. Затоа одлучив да се приклучам на тригодишното истражување на оваа футуристичка технологија. Таа ми ја врати надежта дека повторно би можел да гледам“, изјави Константополос за Daily Mail.

Лекарите направиле очила кои функционираат како апаратчињата за слушање кај глувите личности. Во окото му вградиле електрода и на посебните очила ставиле мала камера која ги снима сликите и ги претвара во електрични сигнали кои потоа патуваат во електродата во окото. Импулсите преку нервот доаѓаат до мозокот и му овозможуваат на Елијас да гледа матни облици и предмет и светлина.

„Без очилата не гледам речиси ништо. Со нив распознавам облици“, рече Елијас кој еднаш неделно со професорката по офтамологија, Гислин Дагнел го вежба видот.

Очилата наречени Argus II ги направила американската фирма Second Sight. Во САД ги користат 14, а во Европа 16 личноти. Најновата верзија на Argus има 60 електроди, додека претходната имала само 16.
Се очекува третата верзија а има дури 200 електроди. Очилата Argus II чинат 100.000 долари.