Среќата сепак, според некои мислења може да се купи со пари. Колку и да е чудно за многумина, резултатите од новото истражување ја демантираа старата поговорка дека не е така...

Жителите на богатите земји се посреќни отколку жителите на сиромашните земји пишува во извештајот на економистите Бетси Стивенсон и Џастин Волферс од институтот за претприемништво на Универзитетот во Пенсилванија, соопштува Daily Telegraph.

Новото истражување е спротивно на претходно објавените резултати, кои покажуваат дека највисоко ниво на приходите не го прави населението повеќе среќно.

Но Стивенсон и Волферс се категорични дека колку поголемо е бруто домашниот производ на една земја, толку поширока е насмевката на нејзините жители.

Професорот Ричардсон Естерли, кој низ 1974 година прв истакна дека приходот и чувството за среќа не се поврзани меѓу себе, коментира за британскиот весник дека очигледно ова прашање треба дополнително да се истражува.

Во новиот извештај не се споменува колку среќа може да се купи со една фунта. Не се споменува и тоа дали во врска со падот на доларот човек може да си купи полесно среќа во САД, коментира Daily Telegraph и заклучува дека можеби најдоброто го рекол Спајк Милиган (ирски литератор и музичар): "Со парите не можеме да си купиме среќа, но со нивна помош можеме да направиме своите страдања повеќе пријатни".