Пица со три видови сирење станала „медиум“ преку кој се манифестирал ликот на Исус Христос...
Пицата е направена во Брисбејн, во пицеријата Posh Pizza, а со оглед на тоа што на неа се „покажал“ ликот на Исус, одлучено е истата пица да се продаде на eBay.
Сите пари од продажбата ќе бидат наменети за добротворни цели, тврдат од пицеријата. „Пицата очигледно е благословена со ликот на Исус, кој ја избрал за свој медиум“, рече Мери Фелан од пицеријата. Сепак, не е во потполност уверена дека тоа е лицето на синот божји, но тоа во што е сигурна е дека тоа лице само се појавило таму.
„Тоа дефинитивно не е лага. Нашата пица со три видови сирење секогаш по печењето има многу различни бои“, додаде таа. Како и да е, заклучи, тоа што некој можеби го гледа на таа пица е работа на лична интерпретација. Патрик Мекардл од австралиското католичко училиште рече дека тоа што е на пицата дефинитивно не е чудесно покажување.
