МЕНИ

Синоќа над Македонија, околу полноќ, неидентификуван летачки објект ги преплаши мирољубивите жители на државата, кои веднаш ги извадиле мобилните телефони и почнале да фотографиираат.

Меѓутоа, и покрај самата чудна природа на мистериозното летало, најизненадувачки од се беше што точно на полноќ, над целата држава блесна...

АПРИЛИ-ЛИ-ЛИ-ЛИ-ЛИ-ЛИ!

1-ви април на сите им е познат како денот на шегата и се прославува во целиот свет. Иако не е празник во вистинска смисла на зборот, познат е во целиот свет и го прославуваат сите љубители на шегата и мајтапите.

Денот на шегата го одбележуваат подлажнувања, шегувања, практични шеги и други слични работи кои им ги правиме на нашите поблиски пријатели и на членови од семејството.

Традиционално, во земји како што се Нов Зеланд, Ирска, Обединетото Кралство, Австралија и Јужна Африка, шегите траат се до пладне, и некој кој ќе направи трик после пладне, го нарекуваат „Априлска Будала“.

Меѓутоа, во други земји, како Франција, Италија, Јужна Кореа, Јапонија, Русија, Србија, Македонија, Холандија, Германија, Бразил, Канада, САД и други, шегите и шегувањето траат цел ден.

Прво забележување на 1-ви април како ден на шегата може да биде најдено во „Кантерберските приказни“ на писателот Џефри Чосер од 1392 година.

Има најразлични приказни за тоа како настанал овој ден на шегата. Некои велат дека доаѓа од празникот кој се празнувал во Рим во февруари како ден на шегаџиите. Други пак велат дека потекнува од францускиот крал Чарлс IX кој наредил Нова Година на се слави на 1-ви април, па сите му се смееле и почнале да си даваат подароци за мајтап. Трети приложуваат сопствена легенда за настанувањето на овој ден, но ништо не е со сигурност.

А кои се најпознатите шеги направени на/преку интернет?

Во 2003 многу кинески и јужно корејски веб страници објавиле дека Бил Гејтс е убиен што предизвикало пад од 1.5% од цената на производите на Microsoft.