Новата бизарна играчка за деца произведена во Шпанија ги разлути родителите ширум светот. Станува збор за кукла која доаѓа во комплет со вештачка брадавица со која девојчињата можат да дојат. И додека производителите го истакнуваат едукативниот карактер на играчката, професионалците го тврдат спротивното...

Пазарот наменет на деца е преправен со различни играчки, но понекогаш во желба за привлекување на најмладите, производителите прават контра-ефект кој завршува со загриженост и со негодување од страна на родителите.

Слична ситуација се случи и во шпанската фабрика за играчки која на пазарот лансирала кукла која девојчињата можат да ја „дојат“.

Бизарната кукла доаѓа во комплет со шарен градник за девојчиња кој на себе има вградена „брадавица“ во облик на цветче.

Кога куклата ќе се намести во положба за доење, почнува да произведува звукови на цицање млеко, но и на плачење ако не се подигне во положба за ждригање.

И додека бројните критики на родителите го преплавија интернетот и медиумите, произведувачите во оваа ситуација не гледаат никаков проблем.

„Не сфаќаме во што е проблемот. Ваквата кукла е всушност вид на едукација за девојчињата кои во возрасно доба ќе станат вистински мајки. Куклата единствено може да им помогне да ги совладаат мајчинските вештини на доење и грижа за детето.“

Но, професионалците тоа го толкува малку поинаку.

„Децата учат низ игра. Нормално е дека девојчето ќе се обиде да ја нахрани својата кукла баш како што нејзината мајка го храни нејзиното братче или сестриче, но тоа детето би требало да го заклучи набљудувајќи ги возрасните. Мислам дека овој начин на едукација е непотребно наметнат и помалку агресивен“, објаснува педагогот Ива.