„Последната гејша“ од Камиши изгубила се во неодамнешното цунами во Јапонија, од кимоното до инструментот за свирење, но го сочувала својот музички талент и животна среќа...

Но, животот на Цујако Ито, која има 84 години, не бил ни малку лесен. Ги преживеала американските воздушни и поморски бомбардирања во Втората светска војна и бројни потреси. Била и жртва на три цунамија, па и на онаа на 11 март кое после разорниот потрес го опустоши североисточното јапонско пристаниште во кое загинаа повеќе од 10.000 луѓе, а околу 17.000 се исчезнати.

Цујако во Камаиши е позната како „последната активна гејша“. По потресот и цунамито живее во приватен центар, каде привремено се сместиле околу стотина постари личности. Поголемиот број од нив побегнале без ништо, само со облеката која ја имале на себе.

Потресот ја затекнал дома, додека се подготвувала за настап во луксузен ресторан, каде што пеела и свирела традиционална јапонска флејта, шамисен.

Цујако се уште не може да верува дека во налетот на цунамито останала без дом и без своите сеќавања: „Моето кимоно, појаси, двата шамисени, приборот за коса... се пропадна.“

Сепак, „се уште го имам својот уметнички талент и морал. Се гордеам со тоа“, додава гејшата, која сака да пее и да игра за корисниците на приватниот центар. Гејшите традиционално се образуваат во јапонски изведбени уметности.

„Сакам да им пружам задоволство на сите и да севирам кога ќе почне обновата на градот. Иако веќе немам пријателки меѓу гејшите, со среќа ќе свирам и ќе пеам“, вели последната гејша од Камаиши.