Научниците од Харвард имаат необична визија за иднината на пожарникарите - гаснење пожар со удар на молњи...

Студентите од универзитетот претставиле начин како во иднина може да се гаси пожар, без да се поплавува зграда, или трошат големи количини вода за тоа. Тие се забавувале со 200 години старата опсервација како електричното испуштање може да формира отворен пламен и да направи еден вид на електрично "прскање" во форма на шипка.

Уредот се состои од 600 вати засилувач, приврзан со еден вид на стапче што упатува електрична енергија во концентриран сноп или мини гром. Испитувањата на 30 сантиметри висок отворен пламен, резултирале со 100% успех.

Иако самите студенти тврдат дека тој процес е тешко да се објасни, бидејќи ниту тие самите до крај не го сваќаат, претпоставуваат дека во прашање се честички од јаглерод кои се ослободуваат при согорување, и кои многу лесно набиваат електрицитет.

Откако ќе се набие електрицитет, тие на многу чуден начин реагираат на електричното поле и влијаат на стабилноста на пламенот. Нарушувањето на стабилноста на пламенот во доволна мера, ќе го угаси, а тие во тоа успеале повеќе пати.

600 вати моќност е еден силен автомобилски аудио систем, а научниците веруваат дека истите ефекти можат да се постигнат и со десет пати помалку енергија. Тоа значи дека би можело да се направи уред кој е лесно пренослив и кој може да се носи само во едната рака.