Според едно научно интернационално истражување за докажување на врската помеѓу преселувањето во друга земја и креативноста е докажано дека живеењето во друга земја им помага на луѓето во развивање на нивните умови и искуства. Истражувачите рекле дека постои силна врска помеѓу живеењето во друга земја и креативноста, но тоа не докажува дека адаптирањето кон новата култура е причина луѓето да ја развијат својата креативност. Во еден дел од истражувањето неколку студенти имале за задача да решат класичен проблем на креативноста со што биле запознаени со 3 предмети на маса сместена веднаш до ѕидот: свеќа, кибрит и кутија со клинчиња. Клинчињата служат за прикачување на свеќата за ѕидот така што свеќата ќе гори исправено, а восокот нема да капе на масата или подот, а правилното решение ја вклучува и кутијата од клинците која треба да послужи како држач за свеќа и да се прикачи на ѕидот. Ршението на овој проблем е одлична мерка за кретивноста затоа што вклучува можност на предметите да им се дадат различни функции од вообичаените. Истражувањето покажало дека студентите кои подолго време студирале и живееле во странство најбргу доаѓале до решението.