Скапоцено палеонтолошко откритие се случило сосема случајно на едно градилиште во Чиле...

Работниците кои копале на градилиштето покрај реката во градот Падре Хурталдо, наишле на два милиони години стар фосил на череп од мастодон, роднина на многу повлакнестиот мамут. Откритието е толку значајно, тврдат научниците, што би можело да отвори навои погледи за потеклото на слоновите.

Тоа што го пронашле работниците е фосил од череп од мастодон, а за време на копањето прво наишле на еден од песјаците со должина од преку еден метар. Набрзо на местото на ископината се повикани и палеонтолозите, па Чиле така го доби својот прв череп на мастодон - во одлична состојба.

„Черепот е речиси недопрен и во одлична состојба, сите заби се на број и двата песјаци се овде. Внатре во черепот пронајдовме и дел од еден пршлен“, рече Рафаела Лабарка, член на PDI институтот во Чиле, за весникот La Tercera.

Праисторискиот мастодон бил со големина на денешниот слон, но многу помускулест од него и имал густо крзно за заштита од ладното. Потеклото на слоновите ги фасцинира биолозите веќе долго време, но на мастодонот не се гледа како на предок на слоновите, туку на мамуите. Сепак, ДНК тестовите ќе покажат колкава е врската меѓу нив и денешните слонови.