Кинески фармер тврди дека една од неговите овци родила кученце...

Кученцето, или јагнето, односно на што и да ве потсетува животното, има волна како јагне, но нос, уста, очи, шепи и опашка како куче, пишува orange.co.uk. Кинеските ветеринари таквото раѓање го прогласија за невозможно, но тоа не ги спречи луѓето да отидат во домот на Лиу Најинг, за да го видаат кученцето-јагне со свои очи.

Лиу тврди дека неговото „јагне“ дури и си игра како кученце, а тврди дека го пронашол подоцна откако што се родило во полето на неговата фарма. „Ги чував овците и видов како овцата лиже новородено јагне на тревата. Се уште беше мокро“, нагласи Лиу.

Кога го зел животното во раката, се зачудил затоа што го потсетувало на куче, односно мешавина меѓу двата вида. Дваесет години чува овци, вели, но такво нешто никогаш не доживеал. Ветеринарите тврдат дека не треба ни да се зборува за тоа дека овцата родила кученце, затоа што е невозможно, туку дека веројатно се работи за абнормално јагне.