Научниците потврдиле дека со чешање можеме да се "заразиме" само ако гледаме некого како се чеша...

Овој феномен го добил и името "трансмисија на чешањето". Исто така, истражувањето покажало дека личноста ќе почне да се чеша ако гледа снимка како некого го прави тоа, слично како и презевањето, пишува Телеграф.

Дерматолозите на универзитетот во северна Каролина веруваат дека чешањето станува заразно бидејќи мозокот станува "хипер-чувствителен" па кога ќе погледнеме некого во близина како се чеша, нашиот мозок било која промена на кожата ја поврзува со чешањето. За време на тестирање на 25 волонтери, кои гледале 5 минути снимка во која луѓето се чешале по левата рака, а некои набљудувале личност која мирно седи на стол.

Потоа лекарите на кожата на волонтерите ставиле или хистамин кој индицира чешање, или пак обична течност. Утврдено е дека луѓето кои ја набљудувале снимката со чешањето, двапати повеќе се чешале од оние кои гледале мирно седење. Научниците се надеваат дека резултатите од ова истражување ќе им помогне на луѓето кои патат од хронично чешање и други кожни заболувања.