Според желбата на легендарната актерка, ковчегот со нејзиното тело задоцнило 15 минути на погребот во Лос Анџелес...

Најголемата филмска дива на дваесетиот век, Елизабет Тејлор беше погребена по еврејска традиција, на приватна церемонија на гробиштата на славните, на кои почиваат Мајкл Џексон, Џејмс Стјуарт, Кларк Гејбл, Ерол Флин, Хамфри Богарт и Спенсер Трејси.

Елизабет имала необична последна желба - нејзиното тело да задоцни. Затоа посмртните остатоци на филмската дива, по нејзиниот последен налог стигнале петнаесет минути подоцна.

Ковчегот бил украсен со кринови, љубичици и гардении.

Церемонијата на која се наоѓале најблиските пријатели и членови на семејството, ја водел рабинот Џери Катлер, а започнала со рецитирање на песната на Џерард Менли Хопкинс „The Leaden Echo and the Golden Echo“ која ја извел актерот Колин Фарел.

Децата на Елизабет Тејлор сакале да ја погребат на гробиштата Pierce Brothers Westwood Village Memorial Park, покрај татко и и мајка и. Но, на крајот сепак се исполнила последната желба на филмската дива.