Иако следнава вест би можела да предизвика многу контроверзии, списанието Time пренесува дека прастарите израелци го почитувале богот Јахве и божицата Ашера, божица на плодноста, која наводно била вклучена во првата верзија на Библијата...

Сеќавањето за тоа прв пат го изнесе историчарот Рафаел Патаи, кој ја изнел таа теорија уште во 1967 година, пренесува Discovery. Но, ново светло на таа теорија и даде Франческа Ставракопоулоу, која предава теологија и религија на Универзитетот Ексетер.

Таа тврди дека натписи на прастарата керамика пронајдени во синајска пустина укажуваат на почитување на Јахве и Ашера како пар, а поглавје во Книгата на кралевите ја споменува божицата во храмот на Јахве. Пронајдени се уште многу трагови во старите текстови, накити и фигури ископани во стариот сиријски пристанишен град.

Откритието на Ставракопоулиноу го поткрепува и Џ. Едвард Рајт, претседател на Центарот за учење на јудаизмот во Аризона и Институтот за археолошки истражувања во Аризона. Тој потврдил дека неколкумина хебрејски текстови ги споменуваат Јахве и неговата жена Ашера. Но, се чини дека од тогаш речиси секој траг и сеќавање за божицата е избришан од Библијата што ја знаеме денеска.