Треската за шопинг не е заразна, туку само погубна за вашиот паричник. Сега доби и посебен облик на „пореметување“. Купување на работи кои всушност не ви се потребни, нивното враќање и повторна доза на шопинг добила своја димензија која се вика шопинг булимија...

Рецесија не ги сопре многуте купохоличарки да купуваат се што им се допаѓа, работите кои можеби би им притребале или пак потполно непотребна облека или ситници за куќата.

Денес луѓето се повеќе купуваат на намаленија и предмети со пониски цени, а нивната желба за ново никако да овене.

Но, и шопингот може да има свои пореметувања кои ги следат лажење и самозалажување, тврди психотерапевтот Роби Лудвиг.

Едно од тие пореметувања е таканаречената „шопинг булимија“ чии симптоми се купување и враќање на купениот производ, по што шопингот повторно продолжува.

Петте симптоми кои ја откриваат шопинг булимијата се:

-Користење на шопингот за ублажување на депресијата и анксиозноста.

-Оштетување на совршено добри производи и кажување на измислени приказни на продавачите за да го прифатат производот назад.

-Чувство на еуфорија и возбудување непосредно после купувањето.

-Купување на екстремно луксузни предмети за некои важни случувања, но со намера за враќање подоцна на истите.

-Големи визии за животниот стандард, но без финансиска основа за таков стил на живот.