Потонатиот град кој со векови ги интригира научниците и авантуристите наводно е пронајден во Јужна Шпанија...

Меѓународен тим на научници тврди дека Античка Атлантида се наоѓа во јужниот дел на Шпанија, која, според наводите на Платон, исчезнала во пресрет на цунами пред илјадници години.

"Тешко е да сфатиме дека цунами може да поплави остров од 60 милји, но токму тоа е она што се случило на Атлантида", рекол лидерот на истражувачкиот тим Ричард Фронд од Универзитетот Хартфорд во Конектикат во САД.

Со цел да се реши мистеријата што со векови привлекува научници и авантуристи, тимот користел подземни радари и сателитски фотографии на потопениот град, кој бил пронајден во мучуриштата на националниот парк во близина на Кадис. По две години работи, тие заклучиле дека ја пронашле Атлантида.

Според Фронд, во централна Шпанија е пронајдено повеќе "меморијални градови", градени по моделот на Атлантида. Заклучокот бил дека тие се градени од луѓе кои успеале да го преживеат потопот на Атлантида.

"Невозможно е, се разбира, со 100% сигурност да се тврди дека станува збор за Атлантида, но факт е дека пронајдовме нешто што не е никогаш видено", рекол Фронд.

Платон пред речиси два и и пол милениума пишал дека островот Атлантида се наоѓа пред Столбовите на Херкул, и во тоа време се нарекувал Гибралтар, и дека по налетот на џиновски бранови, потопен бил за еден ден.