Нова мода завладеа во Холивуд - стриптиз за слабеење...

Неодамна 20-годишната актерка Ема Робертс, внука на Џулија Робертс, призна дека танцува околу шипка, за да си ја одржи фигурата во топ форма.

Актерката на новиот филм "Врисок 4", кој што се очекува да излезе во април, рече дека танцува за задоволство, но и внимателно го следи режимот на исхрана.

Стриптизот ефективно ги зацврстува мускулите на градите, грбот и рамениот појас и ви помага да станете поженствена и самоуверена. На стриптизот се радува и друга кино звезда - Кристин Стјуарт, којашто се запалила по еротските танци за време на улогата како стриптизерка во филмот "Добредојдовте кај Рајли".

Во последно време фан на тоа танцово искуство стана и манекенката Синди Крафорд. Таа призна дека го прави тоа не само за да си ја одржи фигурата, но и да ги освежи односите со својот сопруг Ренди.