Во Москва живеат дури 79 милијардери, што е повеќе отколку во било кој друг град на светот, па со право може да се каже дека Москва е главниот град на најбогатите луѓе во светот...
Во својот годишен извештај за најбогати луѓе во светот според магазинот "Форбс" објави дека Русија има 39 милијардери повеќе од минатата година. Сега Русија има 101 милијардер, а минатата година бројот бил 62.
Најбогатиот Русин е металорушкиот бизнисмен Владимир Лисин (54), чие богатство се проценува на 24 милијарди долари. Тој воедно е и на 14-то место на најбогатите луѓе на светот.
Инаку, дури 15 руси се наоѓаат на списокот на 100-те најбогати во светот. Првото место на листата најбогати во светот веќе втора година по ред ја држи мексиканецот Карлос Слим (74 милијарди долари) кој го направил своето богатство во телекомункациите, а на втората позиција е основач на "Мајкрософт " Бил Гејтс (56 милијарди долари).
