МЕНИ

Бележникот е напишан од Немија Волингтон, англиски пуританец, во кој се раскажува за судбините на жените обвинети за имање врска со ѓаволот во времето кога Англија била вмешана во горчлива граѓанска војна.

Документот ги открива деталите за судењата за вештерство одржани во Челмсфорд во јули 1645 година, кога повеќе од сто осомничени вештерки биле затворени во Есекс и Сафолк, како што кажува Волингтон.

„Многу од нив на своја волја и без никакво присилување или потчинување слободно признаваа дека направиле завет со ѓаволот“, пишува тој. „Некои христијани беа убивани од нивните лошотии.“

Од 30 жени кои биле судени во Челмсфорд, 14 биле обесени.

Волингтон исто така раскажува за искуствата на Ребека Вест, осомничена вештерка која признала дека спие со ѓаволот кога била мачена, затоа што „се најде себеси под такво ексремно измачување и запрепастување што не посака тоа да продолжи дури ни во замена за светот.“ Нејзиното признавање ја поштедило.

Карол Бароус, кој го менаџирал дигитализирањето на бележникот, во четвртокот кажа за Reuters дека дневникот на Волингтон бил важен поради неговата поврзаност со граѓанската војна.

„Тоа е личен бележник и ни кажува многу за времето, а тоа биле тешки времиња“, вели таа. „На англиски е и е многу лесно да се чита, па ќе биде во интерес на широка публика, како и на учениците“, додава таа.

Манускриптот е еден од седумте преживеани бележници на Волингтон. Тој напишал 50 дневници за религијата, граѓанската војка и судењата за вештерство за време на неговиот живот.

Тим од универзитетот во Манчерстер поминале две недели фотографирајќи го бележникот за да го направат достапен на интернет.

Бележникот, сосема бесплатно, можете го погледнете ОВДЕ.