Спротивно на популарното мислење, мажите зборуваат повеќе од жените, се вели во британско истражување...

Психолог од Манчестерски универзитет анализирал 56 претходни истражувања на машката и женската комуникација и утврдил дека 24 од нив докажуваат дека мажите користат повеќе зборови на ден од жените, а само 2 стигнале до заклучок дека жените повеќе зборуваат.

Потоа професорот спровел сопствено истражување, и снимил 50 разговори на различни теми, а потоа им ги дал на учесниците записите од разговорите, во кои недостасувал секој петти збори и ги замолил да ги пополнат празните места.

Речениците од женските зборови биле потешко да се погодат, бидејќи тие го користеле јазикот погрижливо. На пример, кога давале комплименти, мажите користеле доста предвидливи зборови како "убава" или "добра".

Типичниот машки комплимент е "денес навистина изгледаш прекрасно". А жената повеќе би рекла: "Навистина ми се допаѓа твојата јакна. Од каде си ја купи?". Генерално зборовите на мажите можат да бидат одгатнати во 81% од случаите во споредба со 71% за жените.

Единствено кога зборуваат за тековните работи, меѓу двата пола има вербална еднаквост, се вели во истражувањето. "Женското брборење е само културен мит", додал професорот.