Ако барате начин да се ослободите од моќниот Париз, за да го видите другото лице на Франција, значи дека имате потреба да го посетите Château de Chantilly...

Тивко соединување шепот на стара приакзна, мала скапоцена кутија од која излегуваат спомени, слики и звуци од минатото...

Велат дека посетата на местото како Шато де Шантили е како да го отвориш прашливиот ковчек од таванот на својата бабина куќа. Прашлив, стар, кој крие скапи тајни и вредни богатства.

Замокот се наоѓа во гратчето Шантили, на 50км од Париз. Објектот може да се подели на два основни дела - Гранд Шато (Grand Château), уништен за време на Француската револуција и изграден повторно во 1870-та, и Петит Шато (Petit Château), изграден околу 1560-та од Ан де Монтморенси.

Пред 1900 година било речиси невозможно да се добие пристап до ова земјиште, каде само "сина крв" била добредојдена. Со векови некои од најистакнатите семејства во историјата на Франција го направиле Шантли своја резиденција. Монтморенси, Франсоа I, или Анри II, секој оставил белег врз него и го збогатиле со секоја генерација.

Дворецот ги има едни од најбогатите збирки на старо сликарство по Лувр, како и извонредна библиотека која се чува во галеријата Musée Condé. Таму има 1000 живописни платна, 2500 цртежи, 30 илјади книги, 12 илјади старопечатни и 1500 ракописи.