Ручекот зад воланот е најдобро да го избегнувате, но доколку сте одлучиле да ризикувате, погледнете кои намирници морате да ги избегнувате за да го спречите најлошото...

Забрзаното темпо на живот присилува се поголем број на луѓе појадокот или ручекот да го изедат додека возат, патем да завршат неколку важни телефонски разговори, а жените додека се возат најчесто ја поправаат својата шминка и фризура.

Доколку спаѓате во групата на оние кои многу задачи секојдневно ги завршуваат зад воланот и можете да се пофалите дека сте на половина пат до волшебник ако сето тоа ви успева, морате да бидете свесни и за лошите страни, а тоа се сообраќајните несреќи за кои виновно е недоволното внимание на возачите.

Присетете се на времето кога вашиот автомобил бил нов и не сте дозволувале внесување на храна и пијалок за ништо да не го расипе изгледот на вашиот лимен љубимиец. Професионалците тврдат дека таквото размислување треба да го задржите без разлика колку километри поминал важиот автомобил.

Собраните подотоци од повеќе од 34 милиони сообраќајни несреќи кои се случиле поради недоволно внимание покажаа дека конзумирањето на храна и пијалок за време на возењето се поопасни од разговарање на мобилен.

„Конзумирањето на храна зад воланот е опасно, а последиците можат да бидат смртоносни“, нагласува Марсел Џаст од универзитетот Карниџ Мелон. Возачите мораат да ги имат двете раце на воланот и да мислат на тоа што се случува на патот, нагласува тој.

10 најопасни намирници

1. Пуканки
Конзумирањето на пуканки е опасно затоа што од нив ожеднувате, па додека посегнувате по пијалот ги тргнувате очите од патот. Исто така вашите омилени грицки можат да ви заглават во грлото или во хранопроводот и со тоа да ја зголемат опасноста од гушење.

2. Пица
Потребна е секунда жешко парче растопен кашкавал да ви се лизне од устата и вашиот поглед се тргнува од патот. Исто така и потрагата по марамче со кое сакате да ја санирате несреќата ве деконцентрира во возењето.

3. Сендвичи со додатоци
Вистина е дека се вкусни, но за нивна конзумација ви се потребни и двете раце.

4. Шишиња со вода или сок
Тежко е да се отвори пластично шише, а ако се обидете да го ставите меѓу нозете и да го отворите пости можност од истекување на течноста, па тоа ќе ве деконцентрира во возењето.

5. Пржени компирчиња
Тешко е да ги топете во сос компирчињата додека возите, а кога сосот ќе падне на вас или на површината на вашиот автомобил ќе тргнете во потрага по марамче.

6. Хот-дог
Насојувањето да ги задржите состојките на сендвичот внатре во пецивото и да го спречите нивното паѓање на облеката ќе ве деконцентрира во следењето на прометот.

7. Готови јадења
Готовите оброци кои се припремаат со вода се идеални за јадење во автомобилот додека се возите од дома на работа, но настојувањето течниот оброк да остане во предвидениот сад е прилично стресно.

8. Сладолед во корнет
Се разбира дека можете да го држите воланот со една рака, а со другата да го јадете вашиот омилен сладолед, но доколку морате да реагирате на сообраќајна ситуација лесно е можно сладоледот да заврши во вашето крило или вашиот автомобил да заврши во оној пред вас.

9. Овошје
Крушките, портокалите и бресквите се високо на листата на најопасни намирници затоа што за време на конзумирањето од нив тече сок кој лесно може да заврши на вашата облека, а таа идеја сигурно воопшто не ви се допаѓа.

10. Колачи
Вкусни, примамливи и едноставни за конзумација зад воланот, со тоа што ќе ве заситат и ќе ве ослободат од стресот па и ќе ја намалат вашата желба за благо. Но, парчињата кои паѓаат по облеката, воланот и остатокот од автомобилот се лепливи и оставаат дамки, па ви се чини дека е поедноставно да внимавате на тоа како јадете отколку на тако ќе се исчистите вие и автомобилот. А што се случува за сето тоа време на патот?