Еден Египјанец на својата новородена ќерка и дал име по популарниот сајт за дружење...

Неименуваниот маж на 20 години потврдил за весникот "Ал Ахрам" дека девојката го добила името Фејсбук Џамал Ибрахим.

Социјалните мрежи играа голема улога во неодамнешната револуција во Египет, каде има 5 милиони корисници на фејсбук. Ревулуцијата на сајтот фејсбук посветиле 32 илјади групи и 14 илјади страници.

По оставката на претседателот Хосни Мубарак, Каиро бил преплавен со графити "Благодариме Фејсбук".

Интернет заедницата не е воодушевена со новиот тренд на давање вакви имиња на деца, па Дејли Мејл пренесува коментар на еден читач кој рекол дека малата Фејсбук можеби ќе оди на училиште со момче со име Yahoo или AOL.

"Интернетот е заслужен за ширењето на демократијата на Средниот исток и северна Африка, но немојте толку  да се занесувате".