Лондон го претекна Токио, Њујорк и Париз и ја понел титулата за град со најголеми приходи од малопродажбата во 2010 година...

Најновата студија, која истражувала 22 големи меѓународни шопинг дестинации, која ја направил британскиот центар за истражување на малопродажба, покажала дека Лондон за време на минатата година остварил малопродажба од 64.2 милијарди фунти (103 милијарди долари), што не ја вклучува продажбата на храна.

"Се чини дека клучот за успехот на Лондон е во квалитетот и квантитетот на продавници во британската престолнина, во комбинација со огромен број на туристи кои го посетуваат тој град", изјавил директорот на маркетинг сајтот "Kelk", Крис Симсон.

Во Лондон има вкупно 26.000 продавници, кои нудат 138 од 250 водечки светски малопродажни брендови, според просекот од 90 брендови во останатите градови опфатени со истражувањето.

Главниот град на Велика Британија годишно го посетуваат 14.100.000 странски туристи, што е за четири пати повеќе од неговиот најблизок ривал.

Втор на листата на градови со највисок приход од продажбата на мало, со исклучок на храна, минатата година беше Токио со приходи од 61.4 милијарди фунти, а следат Њујорк со 47 милијарди фунти и Париз со 46.6 милијарди фунти.