Денес е "ден за љубење", а 14 парови во Тајланд се загреваат уште од вчера. Луѓето од Тајланд, всушност, се обидуваат да го соборат светскиот рекорд во најдолг бакнеж, а за да успеат во тоа мораат да се бакнуваат подолго од 33 часа...
За да заврши натпреварувањето на "Денот на вљубените", тие почнале да се бакнуваат уште од недела. Првиот пар е дисквалификуван само после половина час бидејќи девојката се онесвестила, неколку парови пак се откажале по неколку часа, а неколку од нив сеуште се бакнуваат.
Светските рекордер во бакнување моментално се Мет Дејли и Боби Кончиело. Тие минатата година се бакнувале точно 33 часа.
Ако размислувате за соборување на рекордот, морате да ги почитувате правилата: бакнежот не смее да се прекине ниту за миг, а усните на партнерот мораат да се допираат цело време. Кандидатите мораат да стојат, а не е дозволена никаква помош, потпирање на перници или нешто слично.
