Не сите во Русија се вљубени во Свети Валентин...

Надлежните органи во провинцијата во Белгород бараат училиштата и други државни институции да се воздржат од прославување на празникот во форма на срце, затоа што според некои конзервативни руси е нездрав странски феномен.

Иницијативата е дел од неодамнешната директива за „мерки за обезбедување духовна сигурност“, со што се апелира до службениците да ги забранат прославите на Свети Валентин и Ноќта на вештерките во образовните и културни центри во провинцијата, известува еден руски весник.

„Атмосферата на овие празници не го воспитува формирањето на духовните и морални вредности кај младите, а ги здржуваат само поради добивките од комерцијалната организација“, рече советникот на владата Григори Болотников.

Директивата била потпишана од гувернерот на Белгород, а била „благословена“ од рускиот православен владика, известува весникот.

Многу ноќни клубови и други бизиниси во провинцијата која се наоѓа на околу 600 километри јужно од Москва, исто така се присилени да не планираат никакви специјални настани за 14 февруари.

Ваквите западни празници како Свети Валентин и Ноќта на вештерките станале познати во Русија по падот на советскиот сојуз во 1991 година.