Жените кои почесто пијат кафе имаат поголеми шанси за побрз напредок на професионален план, наспроти колегите мажи и дамите кои претпочитуваат чај или сокови, покажало британско истражување...

Причината Причината е во спротивниот ефект, кој пијалокот го има на машкиот и женскиот организам.

Дамите кои во текот на денот пијат по неколку чаши кафе, се однесуваат самоуверено во стресни ситуации и побрзо се мобилизираат за извршување на задачите. Кај мажите ефектот е спротивен стануваат премногу нервни за работа.

Целта на научниците била да го проследат влијанието на напивката од кофеин на организмот во услови на стрес. 64 жени и мажи кои биле испитани требало да решат задачи за определено време, да учествуваат во преговори и да пишуваат презентации. На половината им било дадено кафе, а на другите не.

Како резултат се покажало дка мажите кои пиеле кафе се справиле со задачите 20 секунди побавно од жените кои исто така пиеле кафе.

Кај "женскиот натпревар", дамите кои пиеле кафе, се справувале со задачите во просек по 100 секунди побрзо од оние на кои им бил даден чај.