Медицински истражувачи неочекувано го откриле потенцијалниот клуч за продолжување на животот...

Лекот против остеопороза, се покажало дека на старите и слаби луѓе го продолжува животот за 5 години, рекле изненадените научници. Објавената студија покажала позитивно влијание на лекот кај луѓето на иста возраст кои немале остеопороза.

"Ова е нешто што за нас е навистина одлично, тие луѓе беа во подобра состојба од просечните луѓе", рекол професорот Џон Еисмен, од институтот за медицински истражувања во Сиднеј.

"Постојано мислевме дека случајно избираме здрава група, па затоа се покажале подобри, но на било кој начин да гледавме, не бевме во можност да објасниме", истакнал тој. Истражувањето е дел од голема студија која започнала во 1989 година. Се тестирале 2.000 стари личности од кои 121 земале лекови за остеопороза три години.

Лековите против остеопороза го спречуваат губењето на коскената маса и го забрзуваат обновувањето на коските. Професорот Еисмен смета дека резултатите би можеле да бидат поврзани со отровните метали, како што е оловото.