Јапонија објави војна на вселенското ѓубре...
Јапонската вселенска агенција ги здружи силите со компанија за производство на опрема за риболов кои ќе создадат огромна мрежа од неколку километри, со која ќе го собираат вселенското ѓубре.
Јапонците планираат да ја закачат мрежата од тенок метал за сателит кој ќе орбитрира во вселената. На тој начин ќе собере илјадници парчиња од ѓубре, што кружи во орбитата и кои го загрозуваат функционирањето на сателитите и вселенските летала.
Кога мрежата ќе биде целосно наполнета, заедно со нејзината содржина ќе биде повлечена кон Земјата, при што содржината ќе изгори во атмосферата.
