Претставничките на понежниот пол кои работат во областа на политиката постигнуваат поголем успех во споредба со мажите, покажуваат резултатите од новото истражување, спроведено од американски научници...

Дамите, независно од фактот дека нивниот број во политиката е помал во однос на мажите, одржуваат поуспешна политика од спротивниот пол, истакнал шефот на истажувањето и професор на универзитетот во Чикаго, Кристофер Бери.

Намалувањето на процентот на жените во владата на САД, според научниците, се должи на фактот дека тие се соочуваат со многу тешкотии, за да добијат место во Конгресот.

Според статистиката понежниот пол почесто станува автор на закони и подготвува федерални проекти во споредба со мажите. Се случува жените да изберат да останат на пониска позиција, која според експертите се должи на слабата оценка за сопствените вештини и способности.

Исто така, истражувањето покажа дека дамите се најактивни кога работат директно со граѓаните.