Сакате да јадете пица? Колку сте подготвени да платите за своето омилено јадење? Можеби 1.800 евра? Толку чини една пица во Наполи, во ресторанот чиј сопственик сака да влезе во Гинисовата книга на рекорди...

Од пред неколку недели, пицеријата Клаудија Камилерија во Наполи, стана вистинска атракција, бидејќи на нејзиното мени се наоѓа наскапата пица на светот за која треба да се издвојат дури 1.800 евра.

Пицата според зборовите на сопственикот на ресторанот, е достојна како репутација на славниот италијански специјалитет.

Доколку сакате да ја пробате оваа пица, чие тесто е посеано со бели тартуфи, златни листови и првокласна моцарела, мора да ја нарачате седум дена порано и тоа во периодот од мај до октомври, во сезоната на берба на тартуфи.