Дубаи на своите посетители им понуди нова атракција. На 112 кат на најголемата зграда во светот отворен е луксузен ресторан наречен Atmosphere...

Ресторанот се наоѓа на надморска височина од 400 метри, па затоа разумно може да се смета дека е највисокиот ресторан во светот. Тој се наоѓа на 112-от кат од зградата Бурџ Калифа, а главната атракција е величествениот поглед на Дубаи, бидејќи наместо ѕидови, по целиот ресторан има прозори.

Ручекот или вечерата во овој ресторан не се за секој џеб, но Atmosphere не спаѓа во најскапите ресторани во светот. Всушност просечната цена за главното јадење изнесува околу 90 долари.

Дизајнот е доверен на познатиот дезајнер на ентериер Адам Тихан, а најголем предизвик бил да се совлада стравот од висина на гостите. "Има луѓе кои се плашат од висина, а кои би сакале да дојдат и да видат како изгледа да јадат во ресторан сместен толку високо. Со самото тоа дизајнот го направив да изгледа како една пештера, како простор кој дава сигурност", објаснил Адам.