Мачорот беше повикан да учествува во судското жири, иако сопственичката рекла, дека тој "ниту разбира ниту зборува англиски"...

Ана Еспозито напишала писмо до Врховниот суд во Бостон, САД, во кое објаснува дека се случила грешка, но претставник на судското жири и одговорил дека мачорот со име Тоби Сал "треба да се појави на суд" на 23 март.

Еспозито доставила и писмо од ветеринар, во кое потврдува дека станува збор "домашен кастриран мачор со кратко влакно".

Жената го впишала Тоби Сал во графата "миленичиња" при последниот попис на населението.

"Кога ќе го прашат виновен или невин, што треба да одговори тој - мјау ли ?", прашува таа.

"Сал е член на семејството, поради тоа го запишав во последниот попис на населението во графата за домашни миленици, но очигледно настанало недоразбирање", се пожалила сопственичката.

Според сајтот на американското судство, членовите на судското жири "не е потребно да зборуваат перфектно англиски".