Детективи од полицијата во Лос Анџелес ја обновиле истрагата за убиството на Notorious BIG, информира nme.com.

Раперот беше убиен на 9 март 1997 година. Според CNN, истрагата за кривичното дело кое никогаш не било објавено, е обновена бидејќи има нови информации за случајот. Новите информации не се откриваат.

Во моментов екипи на полицијата во Лос Анџелес, обвинителството и ФБИ работат на новите индиции.

Во годините по смртта на Notorious B.I.G имаше сериозни шпекулации дека неговото убиство, всушност е одмазда за смртта на 2PAC, кој беше убиен 6 месеци порано во Лас Вегас. Случајот со неговата смрт исто така не беше откриен.