Без разлика дали станува збор за рефрен на поп песна или за бавна симфониска музика, општо познато е дека, омилената песна не тера да се чувствуваме прекрасно...

Научниците открија дека омилената песна може да ја предизвика истата хемиска реакција во телото како добрата храна, парите и сексот.

Задоволството се должи на допаминот, што им помага на нервните клетки да си пренесуваат сигнали една на друга. Тоа води до промени на срцевиот ритам, дишењето и температурата на телото. Сите тие знаци на задоволство можат да бидат измерени научно.

Научниците од Универзитетот МакГил во Монтреал направиле истражување на мозокот на доброволци, додека тие слушале музика. Тие утврдиле, дека за време на "емоционалната возбуда" области од мозокот, поврзани со задоволството, ослободуваат допамин. Научниците, чие истражување е објавено во весникот "Nature Neuroscience", велат дека нивната студија може да објасни зошто слушањето музика се цени толку многу и зошто "музиката може ефикасно да се користи во маркетинг или во филм".

Истражувачите откриле дека најголеми количества допамин се ослободуваат кога слушателите имаат силна емоционална реакција.