Археолозите во Кина сметаат дека, откриле супа стара 2400 години, во бронзен сад зкопана во близина на древната престолнина Ксиан...

"Ова е првата коскена супа откриена во историјата на кинеската археологија", рекол Liu Daiyun од провинцискиот институт за арехеологија на провинцијата Шанси.

"Откритието ќе игра важна улога во изучувањето на навиките за хранење и културата од периодот на завојуваните кралства (475-221 п.н.е.)".

Супата и коските се откриени во мал затворен бронзен сад во гробница, која се раскопува поради проширувањето на аеродромот во Ксиан. Течноста и коските добиле зелена боја како резултат на оксидацијата на бронзата. Во моментов се прават уште експерименти за да се разјасни дали течноста е супа и кои се состојките во неа. Во друг бронзен сад е пронајдена течност без мирис, за која се смета дека е вино.