Што најмногу може да ги изнервира наставниците? Децата кои џвакаат гума на часот се некаде на врвот на листата. Но, во едно училиште во Германија мислат друго...

Вработените во основното училиште во Фолкеншванд на југот од Германија, немаат ништо против гумите за џвакање за кои велат дека придонесуваат кон подобрување на успехот на ученикот.

"Гумите за џвакање се добри за здравјето на децата и позитивно влијаат на учењето", вели Волфганг Елегаст, официјален претставник на министерството за образование на Германија.

Директорот на училиштето во кое бил покренат проектот, Зигфрид Лер, рекол дека тоа е предуслов за учење преку забава и децата да доаѓаат во училиште без страв и да бидат задоволни. Токму затоа, во ова училиште децата се охрабруваат да земаат гуми за џвакање на одморот, но и на часовите.

Исто така креаторите на овој проект потсетуваат дека гумата за џвакање е добра и за здравјето, посебно по оброкот во училиштето кога децата не се во можност да ги исперат забите.