Венчавката е најубавиот ден во животот на младенците, но на еден пар толку многу му се допаѓало тоа што за само шест месеци се венчале дури 85 пати...
Марк и Денис Дуфилд се победници на натпреварувањето на кое ги тестирале разните локации за венчавка, но и понудата од туристичката агенција за меден месец.
Ветувањата ги обновувале на егзотични локации како што се Маурициус, Индонезија, Тајланд и Јордан. "Ние сме најсреќниот пар во светот. Секој ден ни беше меден месец", рекла 31 годишната Денис.
Марк секој пат имал исто одело, додека Денис венчаницата ја променила неколку пати. Тие тврдат дека и двајцата се здебелиле поради богато подготвените појадоци за младенци, пишува Mirror.
Со венчавките започнале во Њу Јорк, каде во 48 часа се венчале дури 5 пати и тоа во Waldorf Astoriа хотелот, на врвот од Empire State Building, во такси и двапати во Central Park. Најромантична венчавка имале во Занзибар, а најчудна во Ирска, каде што се бакнувале на минус 43 степени. "Беше толку ладно што моравме да се бакнуваме преку маските на лицето, бидејќи ќе ни се залепеа усните", рекол 26 годишниот Марк.
