Игрите на Фејсбук кај многумина предизвикуваат зависност. Но, кога поради игрите во куќата пристигне сметка со зголемен износ, тоа не е пријатно изненадување...
Тоа се случило на родителите на седумгодишната британка Меган Фокс од Бирмингем. Таа на Фејсбук играла игра која на корисниците им дозволува купување на виртуелна облека и мебел за виртуелни миленичиња. По еден час помината игра, малата Меган потрошила 400 долари.
Бидејќи нема свој Фејсбук профил, Меган била логирана на името на 35 годишниот татко Метју. "Седевме во близина, а таа не испрашуваше кој фустан најмногу ни се допаѓа. И сугериравме да одбере, несвесни дека таа навистина фустанот го купува", објаснил таткото, кој имал вклучено Paypal сметка.
