Жените во зрелите години памтат подобро и побрзо од мажите, покажуваат резултатите од неодамнешните истражувања на универзитет во Лондон...

Жените во педесеттите години паметат подобро од мажите, тие ги памтат речениците побрзо и поточно, а на нив покасно и ќе се сеќаваат, покажало истражувањето на експертите од универзитетот кое опфатило 9.600 мажи и жени постари од 50 години, пренесува Ројтерс.

Испитаниците биле замолени да запамтат десет зборови и да ги повторат прво две, а потоа пет минути покасно, при што во двата случаи жените биле поуспешни од посилниот пол.

Во подоцнежните испитувања, во кои се барало набројување на многу животни во минута, мажите и жените имале приближно еднакви резултати - и двата пола успеале да набројат во просек по 22 животни.

И претходните студии дале слични резултати, но ова е прв пат толку голем број на мажи и жени да бидат подложени на тестирање на памтењето, истакнале авторите на студијата Метју Браун и Брајан Доџон кои сеуште не нашле научно објаснување на оваа појава.