Најголемиот затворен тематски парк во светот "Ferrari World", кој е и прв таков парк, посветен на Ферари, ги отвори вратите денеска во Абу Даби...

Тематскиот парк кој се наоѓа во близина на пистата Yas Marina, се протега на повеќе од 86 000 квадратни метри, а масивниот црвен покрив опфаќа површина од 200 000 квадратни метри и ќе биде украсена со најголемото лого на "Ферари" направено некогаш.

"Паркот е проектиран да собере до 10 000 луѓе во секое време", изјавил генералниот менаџер Клаус Фриманд.

"Тој е фантастичен, го чекавме тоа со години. Пред околу три години тука буквално немаше ништо, само песок", додал тој.

"Ferrari World" нуди 20 атракции, меѓу кои и Формула Роса, што симулира возење на болид од Формула 1 со 240 км/ч и е најбрзото возче во светот.

Паркот е дел од напорите на Абу Даби да го развие островот Yas Island.