Обама повеќе не е прв во листата на Форбс за најмоќни луѓе на светот...

Го заменил кинескиот претседател Ху Џинтао, а овде се и Владимир Путин, Опра Винфри, Бин Ладен. Ху е политички лидер на најголемиот број на луѓе во светот, има речиси диктаторска контрола над 1.3 милијарди луѓе, односно над петина од светската популација.

Обама на второто место паднал најмногу поради катастрофалниот пораз на неговите демократи на изборите за конгрес во вторникот, а на изненадувачко трето место е саудискиот крал Абдулаг, опишан како "Апсолутен" владител на пустинското кралство, кое содржи најмногу резерви на сурова нафта во светот и двете најсвети места на исламот.

Рускиот премиер Владимир Путин е четврти, што е многу интересно, со оглед дека самиот руски претседател Дмитриј Медведев е поставен дури на 12-то место! Петото и шестото место го завземаат Папата Бенедикт XVI, и неговата сонародничка, германската канцеларка Ангела Меркел. Занимливо е и тоа што на 57 место на листата се наоѓа Осама Бин Ладен, од причина што оваа листа е врз основа на влијанието и моќта.